juletresanking og den siste innspurten

Årets juletre vart sanka i bekmørk skog og knedjup snø. Torjus fekk felle sitt aller første, og drog det sjølv heile vegen ned att. Thomas og eg har bestemt oss for å ikkje ha eige tre nede hjå oss, men eg håpar og trur at vi klarer å lage den rette stemninga likevel.

No er kampen om kontroll i gang. Lister må skrivast for å få oversikt over kva som må gjerast, kjøpast, lagast og betalast. Diverre er den viktigaste lista umogleg å lage - nemleg den som viser kva som er gløymt.

Det blir nok jul i år òg!