Eg trur faktisk at det er ganske mange som leverer bilen på verkstad og er villige til å leggje ut tusenvis av kroner så snart den hostar litt, medan dei sjølve kan gå rundt med kroppslege plager i veker, månader og kanskje år før ein lege i det heile får kaste eit blikk på dei.
For det er jo så dyrt å gå til legen...
Det er vel litt paradoksalt?
Eg skal ikkje påstå at eg er nokon mønsterpasient sjølv, men i dag (og i går) har eg i alle fall teke eit realt skippertak!
Første post var frisøren, som gav håret mitt éin farge i staden for fem centimeter ettervekst og resten utvaska.
Og så tok eg turen til både tannlegen og legen, og fekk vaksine til og med (hugs på at stivkrampevaksina du fekk på barneskulen må fornyast kvart tiande år!).
Etter klubbmiddag på Lid tok vi med oss den ømme vaksinearmen min heim til mamma ein tur, og ho vart kjempeglad for litt prating og kaffihygge.
Berre to dagar til eg dreg langt av garde.
Ingen kommentarer:
Legg inn en kommentar
alt er mogleg. det umoglege tek berre litt lenger tid.