tova barnevottar

Eg har aldri strikka noko til toving før, og sidan eg ikkje fann ei passande oppskrift, vart det til at eg prøvde meg fram litt på eiga hand. Med brettekant er det enkelt å få vottane til å sitje godt (Elias greier i alle fall ikkje å dra dei av seg), og tovinga gjer at dei er gode og tette. Perfekt når ein skal sitje i vogna og vinke til bilane, og varmt og godt til leik i sandkassa.

Vottane er strikka i Fritidsgarn frå Sandnes, og om lag storleik eitt år.

Trur nok det blir fleire slike etterkvart, for Sigrid er i alle fall svært nøgd med dei!