søndag 18. mars 2012

same procedure

Tradisjonen tru er det aldri langt mellom dei tunge dagane. Dagar der det er eit ork å opne auga om morgonen, og det riv litt i hjarterota å sleppe han av garde på jobb. Ja, herregud. Ein skal då ikkje vere så avhengig av nokon, skal ein vel?

I morgon reiser eg tilbake til Oslo. Til ein ny eksamensinnspurt og friskt mot.

Her heime har eg gjort eit forsøk på å fokusere på det som er bra, og som gjer meg glad. Eg trur ikkje denne eksamenen blir min beste, men akkurat no har eg senka ambisjonane til eit nivå der eg ikkje øydelegg meg sjølv. Eg må få ha det bra sjølv om eg gjer mitt beste, og då kan eg ikkje alltid kreve å vere på toppen. Dermed er det om å gjere å kome seg ut litt. Vere i aktivitet, vere nyttig.


Ingen kommentarer:

Legg inn en kommentar

alt er mogleg. det umoglege tek berre litt lenger tid.