torsdag 8. september 2011

naudhjelp

Etter at eg i gårkveld nok ein gong opplevde å befinne meg langt heimanfrå; utan å ha med meg p-pillene, og berre såvidt rakk å hente ut nye på apoteket i dag tidleg, har eg no gått drastisk til verks. Heretter skal eg alltid ha med meg ein naudrasjon kvar eg enn går!

I mitt tilfelle er det ikkje nok å ha eit brett i lommeboka; har eg gløymt p-piller på tur er sjansen stor for at heller ikkje lommeboka er med. Jakker bytast på fleire gonger i veka, og det same gjeld vesker. Difor har eg no teke eit brett og klipt det opp i fleire delar. Ein til lommeboka, ein til pennalhuset, og to to til kvar av dei små boksane på biletet.

For at emballasjen ikkje skal bli øydelagt når pillene skal vere med over alt, fann eg nemleg ut at det var lurt å putte dei i små krukker. Det er heilt vanlege krukker frå eit sett med reiseemballasje (kan altså kjøpast dei fleste stader der kosmetikk selgast).

Dermed var naudskrina mine skapt. Ilag med p-pillene fekk eg plass til ein Paracet/Ibux, eit hårstrikk og ein plaster-strip til småkutt. Dette er jo berre tilfeldige ting eg hadde liggjande, og som eg tenkjer kan vere greitt å ha tilgjengeleg. Desse er jo så små at eg ikkje merkar at dei er med i sekken!

Eg veit det ikkje er berre eg som kan vere gløymsk, så kanskje er det nokon av dykk som kan ha behov for noko slikt?

I så fall har eg fleire tips til innhaldet:
- ein stump tanntråd
- eit par Frisk-pastillar
- ein øyredobb-bakdel (eller to)
- ei lita neglefil (klipp bitar av ei eingongs-fil)
- alkohol-klut til handdesinfeksjon
- ei fliseklemme eller to
- sikkerheitsnål
Ingen har vel bruk for eller plass til alt, så vel det du sjølv tenkjer du vil ha mest nytte av (eg skulle gitt mykje for ei sikkerheitsnål då eg skulle fram på scena og BH-stroppen min svikta!).
Legg gjerne att ein kommentar med fleire tips, eller fortel kva du ville hatt med deg!

1 kommentar:

  1. Sånn har jeg og, og det er så snedig! Har paracet, lypsyl, halspastiller og.. mer kommer jeg ikke på. Det er kanskje alt? Hårstrikk/spenner var kjempelurt, da, så det skal jeg nok ha. Roter alltid bort mine, og jeg har en pannelugg som lett irriterer meg.

    SvarSlett

alt er mogleg. det umoglege tek berre litt lenger tid.