Innimellom pensum og pensum er himmelen blå. Sola snik seg inn i stova og lokkar ut i klår vinterluft. Kven kan vel lese når blendande strålar insisterar på at det er på tide å bevege seg?
Mat må ein jo òg ha. I dag woka eg friske gulrøter, purre, paprika, vasskastanjar, lauk og brokkoli ilag med ein strimla kyllingfilet. Nam!
For dei som bur åleine og synest det er lite kjekt å kjøpe heile brokkolibuntar, lange purrelaukar og ein kg gulrøter fordi ein aldri rekk å ete det opp, så må eg tipse om at dette er supre grønsaker til frysing. Gulrøter og brokkoli må helst forvellast, men purre kan ein godt berre skjere i skiver og fryse rått. Nam!
Når ein sjølv er litt mørketidsfrustrert og fantasilaus er det dessutan godt å ha ein kjærast. Ein som tek det på alvor når eg har fått dilla på ingefærte.
Så vert dagen avslutta med middag for fire og likør frå Senegal, og heilt til slutt ein liten prins.
Ingen kommentarer:
Legg inn en kommentar
alt er mogleg. det umoglege tek berre litt lenger tid.